طوابير...طوابير
طويلة طوابيرك يا بلادى000 من العجوزة للمعــــــــــادى
كل أزمة نقول انفكت 0000جـــات انابيبها السنـــــــادى
واقفة ناس طول النهار000 ناقصة تشحت بالأيــــــادى
ست حامل خايفة تولد000 واللى سايبة رضيع ينــــادى
واحد يقول شغلى معطل000 وكمان انا فاتنى معـــــــــادى
أغيب أجيب الأنابيب 0000عارضة النهاردة أو اعتيادى
نفسى ألاقى اى خدمة000 من غير عذاب أقصى مرادى
ولا شئ مكتوب علينا 000ودايما طابورنا فى ازديــادى
واللى واخد فوق نصيبة000 لاهامه جـــــــــدى ولا دادى
انابيبه توصل لحد بيته0000 وهو قاعد جوه نــــــــــــادى
بالكوسة ياابنى يمشى حالك0000 ننسى المبادئ كله عـــــــادى
ولا الطابور رمز التلاحم0000 والمرور راح يبقــــى هــادى
طوابير لغاز طوابير لعيش000 مش لاقى وقت اكفـــى ذادى
دا الدعم شئ ملموس حقيقى 000لحمة وعلاج كافيار زبــادى
لو وصلناأنبوبة تزغرد 000بنت الحلال تسعدفـــــــؤادى
جوزى جاب أنبوبة يا أمه000 وجات الجيران هنت ولادى
واللى قال جابها بواسطة 000واللى قال ساكن قصـــــادى
كان صبور طول الطابور000 استنى دوره غاظ الاعـــادى
طابورنا طويل حادى بادى000 من العجوزة للمعــــــــــــادى
**ـــــــــــــــــــــــــــــــــــــــــ**
نقلا عن جريدة المصرى اليوم
لما لها من تعبير عن سوء ما نحن نعانيه
وخاصة بعد ما نشرته مسبقا وهو(قضاء وقدر)
واخيرا
ارتفاع أسعار اللحمه ولا عزاء للفقراء
سامحونى ان كنت مكتئبة فيما أنشره
